Harper Beckham birti hjartnæma færslu á samfélagsmiðlum þó svo að harðar deilur milli fjölskyldumeðlima standi yfir.

Eldri bróðir hennar, Brooklyn Beckham, hefur gagnrýnt foreldra sína opinberlega og lokað á samskipti við fjölskylduna. Vill hann til að mynda meina að foreldrar sínir, David og Victoria Beckham, séu að reyna að eyðileggja hjónaband sitt og Nicolu Peltz.

Á Valentínusardaginn birti Harper þó mynd af sér og þremur eldri bræðrum sínum, þar á meðal Brooklyn, úr fríi fjölskyldunnar fyrir einhverjum árum síðan. „Gleðilegan Valentínusardag til bestu stóru bræðra í heimi,“ skrifaði hún með.

Móðir hennar, Victoria, deildi færslunni áfram. Harper sendi einnig föður sínum kveðju og kallaði hann „fyrsta Valentínusinn.“ Loks sagði hún móður sína bestu vinkonu sína.

Bresk götublöð velta því upp hvort þetta sé tilraun Harper til að koma á friði innan fjölskyldunnar á ný.