HM-leikvangur sem á að hýsa annan leik Englands er nú í vandræðum þegar innan við fimm mánuðir eru í að Heimsmeistaramótið í knattspyrnu hefjist. Fyrr hefur verið greint frá vandræðum tengdum leyfismálum á Gillette-leikvanginum fyrir utan Boston, þar sem England á að spila annan leik sinn í riðlakeppninni. Þá eiga fyrstu leikir Skotlands einnig að fara fram þar.

Nú hafa einnig komið upp áhyggjur í Mexíkó vegna Azteca-leikvangsins í Mexíkóborg. Opnunarleikur mótsins milli Mexíkó og Suður-Afríku á að fara fram á þessum sögufræga 88 þúsund manna leikvangi. Endurbætur á vellinum hafa tafist verulega og eigandi hans hefur viðurkennt að ólíklegt sé að öllum framkvæmdum ljúki í tæka tíð.

FIFA tekur yfir alla keppnisvelli í byrjun maí og tíminn er því naumur. Vináttulandsleikur Mexíkó og Portúgals á næsta mánuði er í óvissu. Azteca er sögufrægur HM-völlur, meðal annars þar sem „Hönd-Guðs“ Diego Maradona átti sér stað 1986.

Samhliða þessu stendur yfir deila í Foxborough við Gilette völlinn um kostnað vegna leikjahalds, þar sem borgaryfirvöld krefja FIFA um háar greiðslur fyrir þjónustu og öryggismál. Þetta setur aukinn þrýsting á skipuleggjendur mótsins.

Taldar eru líkur á því að FIFA muni hreinlega færa leik Englands af vellinum en óvíst er hvert hann færi.