Jökull Andrésson, markvörður FH, var gestur Íþróttavikunnar á 433.is og sat í setti með Helga Fannari Sigurðssyni og Herði Snævari Jónssyni.

Goðsögnin Arsene Wenger starfar við framþróun fótboltans fyrir FIFA og hefur mikið verið rætt um tillögur hans um að breyta rangstöðureglunni þannig að leikmaður þurfi allur að vera fyrir innan til að vera dæmdur rangstæður.

„Það er kjaftæði. Arnar Þór Viðarsson er orðinn undirmaður hans og mun tala hann af þessu,“ sagði Hörður og Jökull tók undir, en Arnar var ráðinn í starfið á dögunum.

„Ég held að málið sé svolítið að Wenger er á hörkulaunum fyrir að búa til einhverjar pælingar, þá kemur eitthvað svona út,“ sagði Helgi.

„Þá endarðu oft úti í skurði,“ sagði Hörður að lokum léttur.

Umræðan í heild er í spilaranum.