Það er enn lögð mikil áhersla á það á Old Trafford að styrkja miðsvæðið, þó breytingar hafi orðið í brúnni.

Michael Carrick er tekinn við af Ruben Amorim út leiktíðina og fær það verkefni að reyna að koma Manchester United í Meistaradeildina.

The Sun segir ólíklegt að United eyði peningum til að styrkja sig í janúar en miðjan verður að öllum líkindum styrkt í sumar.

Elliot Anderson og Adam Wharton, sem hafa heillað með Nottingham Forest og Crystal Palace, eru á blaði.

Þar eru einnig Carlos Baleba, sem United reyndi að fá í sumar en hefur þó ekki átt sérstakt tímabil með Brighton í kjölfarið. Loks kemur Alex Scott hjá Bournemouth til greina.

United er í sjöunda sæti ensku úrvalsdeildarinnar með 32 stig, 3 stigum frá Meistaradeildarsæti.