Barcelona hefur gert João Pedro að sínum helsta kosti til að taka við af Robert Lewandowski í sumar.

Samkvæmt spænskum miðlum lítur Barcelona á brasilíska framherjann sem draumakost til að leiða sóknarlínu félagsins þegar Lewandowski yfirgefur félagið að tímabilinu loknu.

João Pedro, sem er 24 ára og leikur með Chelsea, hefur vakið athygli með frammistöðu sinni og er sagður henta vel þeirri leikstefnu sem Barcelona vill spila.

Lewandowski, sem er orðinn 37 ára, er talinn á förum eftir tímabilið og því þarf katalónska félagið að finna arftaka fyrir einn markahæsta framherja Evrópu síðustu ára.

Óvíst er hvort Chelsea sé tilbúið að selja João Pedro, en áhugi Barcelona virðist vera raunverulegur.