Manchester United og Liverpool munu ekki taka þátt í kapphlaupinu um Matheus Mane hjá Wolves í sumar ef verðmiðinn verður of hár.

Hinn 18 ára gamli Mane hefur að mörgu leyti verið ljós punktur á afar erfiðu tímabili Úlfanna, sem eru á botninum og svo gott sem fallnir úr ensku úrvalsdeildinni.

Hefur hann verið orðaður við nær öll stærstu lið Evrópu, þar á meðal United og Liverpool.

Football Insider segir þó að þessi lið munu ekki taka í mál að eyða 50 milljónum punda í hann, en það er verðmiði sem hefur verið hent fram.

Miðjumaðurinn er samningsbundinn Wolves til 2029 svo félagið ætti að vera í nokkuð sterkri samningsstöðu í sumar.