Kjaftasögur hafa verið í gangi á Englandi um að Real Madrid hafi áhuga á Gabriel, miðverði Arsenal.
Brasilíumaðurinn hefur verið einn allra besti leikmaður Arsenal í uppgangi liðsins undanfarin ár og því afar mikilvægur liðinu.
Hefur hann af og til verið orðaður við önnur stórlið en fréttir að utan herma að Arsenal muni ekki selja hann, sama hvernig tilboð býðst.
Al-Ittihad í Sádi-Arabíu reyndi að freista Gabriel á sínum tíma en tókst ekki að landa kappanum öfluga.
