Fjórum leikjum í mexíkósku deildinni var frestað í nótt eftir að valdamikill glæpaforingi var drepinn af hernum.
Íslenska landsliðið á að spila vináttuleik við Mexíkó þar í landi aðfaranótt fimmtudags og er liðið mætt á staðinn. Nú er því velt upp hvort leikurinn fari fram. Gæti það skýrst síðar í dag.
Nemesio Rubén Oseguera Cervantes, kallaður El Mencho, er maðurinn sem um ræðir. Var hann einn þekktasti glæpaforingi Mexíkó.
Meðlimar gengja víða í Mexíkó brenndu bíla og fleira til í kjölfar andláts El Mencho. Ástandið er því eldfimt.
