Helgi Fannar Sigurðsson og Hörður Snævar Jónsson gerðu upp allt það helst í Íþróttavikunni á 433.is.

Bodo/Glimt hélt ótrúlegu gengi sínu í Meistaradeildinni áfram með 3-1 sigri á Inter í vikunni og er í góðri stöðu fyrir seinni leik liðanna í Mílanó um sæti í 16-liða úrslitum.

„Fyrir mína parta er ekki boðlegt að spila á þessu stigi á einhverju glerhörðu gervigrasi í frosti. Ég verð að vera heiðarlegur með það,“ sagði Hörður hins vegar um málið.

„Það er bara ekki í boði fyrir þá að spila á alvöru grasi á þessu svæði. Þetta er bara sérstaða þeirra,“ sagði Helgi þá.

„Þetta er eini leikur margra þessara leikmanna á ferlinum á gervigrasi. Ég styð gervigras heilshugar í Bestu deildinni en þarna er þetta bara augljóst forskot sem Bodo hefur. Þetta er allt annar leikur,“ svaraði Hörður um hæl.

„Þess má geta að þeir unnu Aletico Madrid á útivelli í síðustu umferð deildarkeppninnar, á alvöru grasi að sjálfsögðu,“ sagði Helgi að endingu.

Þátturinn er í spilaranum.