Mohamed Salah er áfram orðaður við brottför frá Liverpool í sumar.

Samkvæmt Foot Mercato hefur Egyptinn gefið umboðsmönnum sínum grænt ljós á að hefja viðræður við Al-Ittihad í Sádi-Arabíu. Félagið hefur lengi haft áhuga á Salah og bauð meðal annars 150 milljónir punda í hann árið 2023, tilboði sem Liverpool hafnaði.

Salah skrifaði undir nýjan tveggja ára samning í apríl á síðasta ári, en nú virðist staðan hafa breyst. Talið er að hann sé mjög opinn fyrir félagaskiptum. Talað er um að Liverpool vilji aðeins um 26 milljónir punda fyrir hann í sumar, ári áður en samningur hans rennur út.

Al-Ittihad missti bæði Karim Benzema og N’Golo Kante í janúar og vill stóra stjörnu í sumar í staðinn.

Salah hefur auðvitað verið hvað besti leikmaður Liverpool síðan hann kom 2017 en svo virðist sem farið sé að hægjast á honum.