Manchester United gæti gert atlögu að sóknarmanninum Kader Meïté í kjölfar meiðsla Patrick Dorgu, samkvæmt The Guardian.

Dorgu glímir við meiðsli aftan í læri sem gætu haldið honum frá keppni í nokkrar vikur og er United því að meta hvort þörf sé á styrkingu í sóknarlínunni.

Meïté, sem er 18 ára gamall, leikur sem framherji hjá Rennes og hefur skorað þrjú mörk í Ligue 1 á yfirstandandi tímabili.

Hann er jafnframt leikmaður U21 árs landsliðs Frakklands og hefur vakið áhuga erlendra félaga, þar á meðal Al Hilal.

Samkvæmt The Guardian hefur Manchester United þegar haft samband við fulltrúa Meïté á meðan félagið vegur og metur hvort bæta eigi við hreinum níu eða kantmanni.

Endanleg ákvörðun er sögð ráðast af þróun meiðslanna og stöðu leikmannahópsins á næstu dögum.