Það er mikið fjallað um framtíð Marcus Rashford, sem er þessa stundina á láni hjá Barcelona frá Manchester United.

Enski sóknarmaðurinn hefur staðið sig vel í Katalóníu eftir að hafa verið settur út í kuldann á Old Trafford. Börsungar hafa möguleika á að kaupa hann á 26 milljónir punda í sumar.

Það er þó ekki víst að félagið nýti það og Football Insider segir nú að Paris Saint-Germain fylgist með stöðu mála, en Rashford hefur áður verið orðaður við frönsku höfuðborgina.

Það þykir afar ólíklegt að Rashford snúi aftur til United að loknum lánssamningi hjá Barcelona í sumar. Framtíð hans er því áfram í óvissu.