Guðmundur Þórarinsson fundaði með FH í gær en hann er á heimleið eftir farsælan feril í atvinnumennsku.

Þetta herma öruggar heimildir 433.is en Guðmundur sást í Kaplakrika í gær.

Guðmundur sem er 33 ára gamall hefur staðfest að hann sé á heimleið, hann fékk samningi sínum við FC Noah í Armeníu rift á dögunum.

Guðmundur getur leikið bæði sem bakvörður og miðjumaður og vilja FH-ingar fá hann í sínar raðir. Jóhannes Karl Guðjónsson tók við þjálfun FH í vetur.

Guðmundur hefur verið atvinnumaður í tólf ár en líklegt er að fleiri lið en FH reyni að klófesta hann.

Þessi öflugi leikmaður hefur verið farsæll á ferli sínum og orðið landsmeistari í Armeníu, Noregi og í Bandaríkjunum.