Nottingham Forest og Everton hafa báðir sýnt áhuga á sóknarmanninum Youssef En‑Nesyri hjá Fenerbahçe.

Samkvæmt enskum hafa félögin haft samband við aðila þar sem bæði Forest og Everton vilja styrkja framlínu sína í janúarglugganum.

Sky Germany greinir frá því að Fenerbahçe telji að En-Nesyri kjósi fremur að ganga til liðs við Everton, fari svo að hann yfirgefi tyrkneska félagið.

En-Nesyri er 28 ára gamall og er þessa dagana á Afríkukeppni landsliða, þar sem hann undirbýr sig með landsliði Marokkó fyrir undanúrslitaleik gegn Nígeríu sem fram fer í kvöld. Frammistaða hans á mótinu hefur aukið áhuga evrópskra félaga enn frekar.

Marokkóski landsliðsmaðurinn hefur lengi verið orðaður við félög í ensku úrvalsdeildinni, einkum eftir afar öflugt tímabil hans með Sevilla á Spáni. Þar festi hann sig í sessi sem einn hættulegasti sóknarmaður La Liga og Evrópudeildarinnar.

Nú gæti ferill hans aftur beinst að Englandi, fari svo að félögin nái samkomulagi við Fenerbahçe á næstu dögum.