Roman Abramovich fyrurm eigandi Chelsea hefur tjáð sig í fyrsta sinn eftir að hann var neyddur til að selja félagið.

Bresk stjórnvöld neyddu Abramovich til að selja félagið sem hann elskaði, ástæðan var innrás Rússlands inn í Úkraínu og tengsl Abramovich við Vladimir Putin forseta landsins.

„Það væri gaman að geta mætt á einn leik og þakkað fyrir mig en ekkert meira en það,“ segir Abramovich um Chelsea.

Abramovich dældi peningum inn í Chelsea og kom af stað allri þeirri velgengni sem félagið hefur átt síðustu áratugi.

Þrjú áru eru liðin frá sölunni. „Ég hef engan áhuga á því að eignast fótboltafélag aftur,“ sagði Abramovich.

„Ég gæti mögulega viljað hjálpa ungum leikmönnum og unglingastarfi. Gefa þeim betri tækifæri, það er eina leiðin sem ég sé fyrir mig í fótbolta.“

Abramovich segir ásakanir á hans hendur í Bretlandi hafa lítil áhrif á sig. „Það er gamall frasi í Rússlandi þar sem segir “Hundarnir gelta en hjólhýsið heldur áfram“. Það á vel við hérna,“ sagði Roman.

„Það er alltaf eins, ég geri eitthvað og er sakaður um eitthvað misjafnt. Ég hef bara gert hluti í lífinu til að reyna að hjálpa til.“