Aga- og úrskurðarnefnd KSÍ hefur ákveðið að Samúel Kári Friðjónsson, leikmaður Stjörnunnar, skuli sæta tveggja leikja banni fyrir afar ljóta tæklingu sína í leik gegn KR á sunnudag.

Liðin mættust í Lengjubikarnum og fór Samúel Kári í glórulausa tæklingu á Gabríel Hrannari Eyjólfsssyni, leikmanni KR, í leiknum, sem Vesturbæingar unnu 1-3.

Meira
Þetta er hið „viðbjóðslega“ atvik í Garðabænum sem fólk er brjálað yfir – „Vandræðalegt og aumkunarvert“

Dómari leiksins lyfti strax upp rauða spjaldinu og þar með ljóst að Samúel Kári væri á leið í eins leiks bann. Aganefndin bætir hins vegar einum leik við hið hefðbundna bann.

Bannið gildir þó aðeins í Lengjubikarnum og tekur Samúel Kári það því út á næsta ári. Honum er frjálst að spila fyrsta leik Stjörnunnar í Bestu deildinni, gegn FH þann 7. apríl.

Meira
Samúel Kári opnar sig um atvikið í gær – Hringdi tvö símtöl í Vesturbæinn