FIFA gæti staðið frammi fyrir lögsókn frá þjóðum sem mæta Portúgal á HM 2026 eftir að Cristiano Ronaldo fékk að leika á mótinu þrátt fyrir að eiga tvær leikbanningar eftir. FIFA ákvað með fordæmalausum hætti að fresta síðustu tveimur leikjum þriggja leikja banns sem Ronaldo fékk fyrir olnbogaskot á Dara O’Shea í leik gegn Írlandi fyrr í mánuðinum.

Við venjulegar aðstæður hefði 40 ára framherjinn misst af fyrstu tveimur leikjum Portúgals á mótinu, en FIFA tók tillit til fyrirmyndarhegðunar hans og þess að þetta var fyrsta rauða spjald hans fyrir landsliðið.

Ronaldo missti því aðeins af lokaleik undankeppninnar, 9-1 sigri á Armeníu og er nú gjaldgengur á HM.

Samkvæmt Daily Mail gætu þjóðir sem dragast gegn Portúgal í næstu viku vísað ákvörðuninni til íþróttadómstólsins CAS, í þeirri von að fá upphaflega bannið staðfest og þar með mæta Portúgal án Ronaldo.

Sérfræðingar telja að lið sem verða beint fyrir áhrifum gætu átt lögfræðilegan möguleika, þar sem FIFA hafi veitt Ronaldo sérmeðferð sem aðrir leikmenn fá ekki.