Gabriel Martinelli, stjarna Arsenal, viðurkennir að hann eigi sér í raun engin áhugamál fyrir utan fótbolta.
Martinelli er nokkuð mikilvægur hlekkur í liði Arsenal en hann er Brasilíumaður og kom til Englands frá heimalandinu.
Martinelli segist aðeins hugsa um fótbolta í sínum frítíma fyrir utan fjölskylduna og þá merkjavörurnar Dior og Louis Vuitton.
,,Að vera undir pressu er hluti af leiknum. Eftir smá tíma þá byrjarðu að venjast henni. Ég hef verið með bolta í fótunum síðan ég var sex ára gamall hjá Corinthians – þar fann ég fyrir pressu,“ sagði Martinelli.
,,Hvað meira gæti ég beðið um? Nákvæmlega ekki neitt. Fjölskyldunni líður vel, mér líður vel og er heilbrigður en það mikilvægasta er að ég spila fyrir Arsenal sem er eitt stærsta félag heims. Ég myndi ekki breyta neinu í mínu lífi.“
,,Ef ég væri ekki í fótbolta þá veit ég ekki hvað ég væri að gera. Þetta er spurning sem pabbi minn spurði mig oft að þegar ég bjó í Brasilíu.“
,,Þegar ég er ekki að spila fótbolta þá hugsa ég um eða geri fátt annað. Ég eyði annað hvort tíma með fjölskldunni eða hugsa um Dior og Louis Vuitton.“
