Raphinha, leikmaður Barcelona, óttast ekki að missa stöðu sína hjá félaginu þó Nico Williams geri samning við félagið.
Williams er mögulega á leið til spænska stórliðsins en hann er á mála hjá Athletic Bilbao í dag.
Williams og Raphina spila sömu stöðuna á vængnum og er óvíst hvernig Hansi Flick, stjóri liðsins, mun stilla upp byrjunarliði sínu ef sá spænski semur í sumar.
Brassinn er ánægður með að gæðamikill leikmaður sé mögulega á leið til liðsins en hann er sjálfur gríðarlega mikilvægur hlekkur í liði Börsunga.
,,Allir leikimenn sem geta bætt liðið eru velkomnir. Allir sem eru með rétt hugarfar og vinna fyrir liðið eru velkomnir,“ sagði Raphinha.
,,Það er engin tilviljun að hann sé orðaður við Barcelona. Þetta er leikmaður í hæsta gæðaflokki.“
