Liverpool hefur samið við ansi áhugaverðan leikmann sem ber nafnið Freddie Woodman en hann kemur til félagsins frá Preston.
Woodman er 28 ára gamall markvörður en hann er uppalinn hjá Newcastle og Crystal Palace.
Woodman spilaði fjóra deildarleiki fyrir Newcastle á sínum tíma en hefur undanfarin þrjú ár verið aðalmarkvörður Preston.
Liverpool var í leit að þriðja markverði fyrir komandi tímabil og ákvað að Woodman yrði ákjósanlegur kostur.
Caomhin Kelleher hefur yfirgefið félagið fyrir Brentford og þá verður Giorgi Mamardashvili líklega varamarkvörður í vetur.
