Tottenham hefur hafið málsókn gegn Ineos fyrirtæki sem Sir Jim Ratcliffe á og rekur. Fer félagið fram á 11,1 milljón punda.

Ástæðan er riftun Ineos á styrktarsamningi við Tottenham sem skrifað var undir árið 2022.

Þegar Ratcliffe eignaðist 28 prósenta hlut í Manchester United ákvað Ineos að rifta samningum og þar við sat.

Tottenham sættir sig ekki við það og hefur hafið málsókn þar sem félagið vill 1,8 milljarð íslenskra króna.

Ratcliffe neitar að gera upp samninginn sem átti að færa Tottenham 17,5 milljón punda yfir fimm ára tímabil.

Ratcliffe hefur verið að taka til hjá United unanfarið ár og vonast til að geta komið félaginu aftur í fremstu röð á næstu árum.