Cristiano Ronaldo hefur skrifað undir nýjan samning við Al-Nassr og verður hjá félaginu til ársins 2027.
Það er því ljóst að Ronaldo mun spila fótbolta til 42 ára aldurs. Hann verður áfram launahæsti fótboltamaður í heimi.
Ronaldo hefur verið í Sádí Arabíu í tvö og hálft ár og raðað inn mörkum, samningur hans var að renna út.
Hann náði hins vegar saman við félagið um nýjan samning en hann gerir kröfu á það að Al-Nassr styrki liðið í sumar.
Ronaldo ætlar sér á HM á næsta ári með Portúgal en hann mun að minnsta kosti spila fótbotla næstu tvö árin.
Ronaldo er einn besti knattspyrnumaður sögunnar en hann lék með Manchester United, Real Madrid og Juventus áður en hann fór til Sádí Arabíu.
