Viktor Gyokeres framherji Sporting Lisbon neitar að mæta til fundar með félaginu til að hreinsa andrúmsloftið.
Gyokeres er í fýlu út við Sporting og telur félagið hafa svikið loforð um lækkaðan verðmiða í sumar.
Sænski framherjinn vill fara og er ofarlega á óskalista Arsenal en Manchester United hefur líka sýnt áhuga.
Sporting Lisbon vildi fá fund með Gyokeres og umboðsmanni hans til að laga stöðuna og ná sátt.
Gyokeres vill hins vegar ekki sjá það að funda með félaginu og vill að staðið verði við gefin loforð sem hann telur félagið hafa gefið.
