Alex Oxlade-Chamberlain gæti verið á leið aftur til Englands eftir að hafa spilað í Tyrklandi undanfarin tvö ár.

Oxlade-Chamberlain er leikmaður Besiktas í Tyrklandi en hann var áður hjá stórliðum Arsenal og Liverpool.

Miðjumaðurinn á að baki 35 landsleiki fyrir England en hann er nú samkvæmt tyrknenska miðlinum Fotomac á óskalista Leicester.

Leicester féll úr efstu deild á Englandi í vetur og gæti hæglega notað leikmanninn í baráttu um að komast aftur upp í vetur.

Besiktas er opið fyrir því að selja Oxlade-Chamberlain sem er enn aðeins 32 ára gamall og á þónokkuð eftir af sínum ferli.

Oxlade-Chamberlain hefur þurft að spila fyrir níu mismunandi þjálfara á 24 mánuðum hjá Besiktas en í dag er Ole Gunnar Solskjær við stjórnvölin.