Miðjumaðurinn Aaron Ramsey er að taka afskaplega óvænt skref á sínum ferli en hann er á leið til Mexíkó.
Frá þessu greina margir miðlar og blaðamenn en Ramsey er 34 ára gamall og er fyrrum leikmaður Arsenal.
Ramsey hefur undanfarin tvö ár spilað með Cardiff í Wales en liðið er í næst efstu deild Englands, Championship.
Ramsey er nú að kveðja uppeldisfélag sitt og mun skrifa undir samning við Pumas í Mexíkó á allra næstu dögum.
Þessar fregnir hafa komið mörgum á óvart en Ramsey spilaði aðeins átta deildarleiki fyrir Cardiff í vetur.
