Jack Grealish, leikmaður Manchester City, er með tvo valkosti á borðinu en þetta kemur fram í enskum miðlum.

Grealish er líklega að kveðja City í sumar en hann stóðst alls ekki væntingar í vetur og verður varamaður á næsta tímabili ef hann fer ekki annað.

Everton og Newcastle eru þau lið sem vilja fá Grealish sem kostaði City um 100 milljónir punda frá Aston Villa á sínum tíma.

Grealish er rándýr leikmaður þrátt fyrir slaka frammistöðu innan vallar undanfarið en hann fær um 300 þúsund pund á viku.

Líkur eru á að þessi félög fái Grealish á lánssamningi og gætu svo keypt hann endanlega næsta sumar.

Grealish stefnir á að spila á HM 2026 á næsta ári og þarf því að öllum líkindum að finna sér nýtt félag á næstu vikum.