Það eru litlar líkur á að Rasmus Hojlund sé að kveðja Manchester United en leikmaðurinn sjálfur greinir frá.
Hojlund hefur ekki staðist væntingar á Old Trafford eftir komu frá Atalanta en hann á enn fimm ár eftir af samningi sínum í Manchester.
Daninn er ekki að horfa í það að spila fyrir annað félag næsta vetur og er vongóður um að geta unnið stuðningsmenn United á sitt band.
,,Ég er samningsbundinn til ársins 2030 svo ég er að búast við því að ég spili fyrir Manchester United,“ sagði Hojlund.
,,Ég er spenntur fyrir sumarfríinu og svo er ég til í það verkefni sem er framundan. Ég veit hvernig staðan er og hvernig stuðningsmennirnir eru en ég er bundinn til 2030.“
,,Það sem ég horfi í er sumarfríið og svo vonandi að eiga gott undirbúningstímabil.“
