Frenkie de Jong er víst ekki að fara frá Barcelona í sumar og er við það að skrifa undir nýjan samning við félagið.

Það virðist vera ómögulegt að fá De Jong frá Barcelona en hann hefur allavega þrisvar verið nálægt því að semja við annað félag.

Manchester United gerði sig líklegt í tvö skipti á sínum tíma en er ekki að horfa til leikmannsins í dag sem kom til Spánar árið 2019.

De Jong virðist vera ósnertanlegur á Spáni en talið er að hann muni taka á sig launalækkun ef hann krotar undir tveggja ára framlengingu.

,,Ég held að ég muni skrifa undir nýjan samning en maður getur aldrei fullyrt það 100 prósent,“ sagði miðjumaðurinn.

,,Ef allt gengur vel þá mun ég krota undir. Þeir vilja þetta og ég líka svo á endanum getum við fundið lausn.“