Pep Guardiola hefur staðfest það að hann hafi mikinn áhuga á að þjálfa landslið í lokakeppni HM eða EM í framtíðinni.

Guardiola hefur undanfarin níu ár verið stjóri Manchester City og gert magnaða hluti og er af mörgum talinn besti stjóri í heimi og jafnvel í sögunni.

Guardiola á sér draum sem er að þjálfa landslið en viðurkennir að verkefnið þyrfti að vera rétt og henta öllum aðilum.

,,Ég myndi elska það að þjálfa lið á HM eða EM eða í Copa America,“ sagði Guardiola við Reuters.

,,Ég hef oft íhugað þetta en þetta veltur á mörgum hlutum, ef það gerist þá væri það flott en ef ekki þá er það líka í lagi.“