Ronald Koeman, landsliðsþjálfari Hollands, hefur staðfest það að miðjumaðurinn Tijani Reijnders sé á leið til Manchester City.

Reijnders er hollenskur landsliðsmaður og er í landsliðshópnum þessa stundina í núverandi verkefni þeirra appelsínugulu.

City er að festa kaup á Reijnders frá AC Milan og er talið að þeir ensku borgi 59 milljónir punda fyrir leikmanninn.

,,Eins og þetta lítur út í dag þá er hann á leið til Manchester City á sunnudaginn,“ sagði Koeman.

,,Eftir það þá mun hann snúa aftur til landsliðsins. Að fara til City er frábært skref fyrir hann – ég fékk símtal frá þeim fyrir nokkrum mánuðum.“