Launakröfur sóknarmannsins Bryan Mbuemo eru óeðlilega háar en þetta kemur fram í frétt the Times en hann er orðaður við Manchester United.
United er talið hafa mikinn áhuga á Mbuemo sem spilar með Brentford og fær 50 þúsund pund á viku hjá félaginu í dag.
Samkvæmt Times vill Mbuemo fá 250 þúsund pund hjá United sem myndi gera hann einn launahæsta leikmann enska stórliðsins.
Hvort United sé tilbúið að borga þessi laun er alls ekki víst en eigendur félagsins hafa verið að skera niður kostnað undanfarna mánuði.
Mbuemo átti frábært tímabil með Brentford en hann kom að 27 mörkum í efstu deild í 38 leikjum.
