Mauricio Pochettino, landsliðsþjálfari Bandaríkjanna, hefur sett alvöru pressu á lykilmann sinn Christian Pulisic sem er leikmaður AC Milan.
Pochettino segir að Pulisic eigi að vera Lionel Messi þeirra bandarísku en hann er stærsta stjarna landsliðsins í dag.
Pulisic hefur átt flottan feril hingað til en hann á að baki leiki fyrir lið eins og Dortmund, Chelsea og nú Milan.
Messi er að sjálfsögðu einn besti fótboltamaður sögunnar og þekkir það vel að bera lið á herðum sér innan vallar.
,,Ég er ekki að reyna að vanvirða Messi né Pulisic en í þessu landi þá ætti Pulisic að vera okkar Messi,“ sagði Pochettino.
,,Hann er einstakur leikmaður. Þetta er götustrákur, ef þú spyrð einhvern í landinu um fótboltamann þá er svarið Pulisic.“
