Svo virðist sem Pep Guardiola stjóri Manchester City ætli að sækja í hugmyndabanka Jurgen Klopp frá tíma hans hjá Liverpool.
Þannig er City að reyna að ráða þrjá fyrrum starfsmenn Liverpool, einn af þeim er Pep Lijnders fyrrum aðstoðarmaður Klopp hjá Liverpool.
Lijnders hætti hjá Liverpool síðasta sumar og tók við RB Salzburg en var rekinn þaðan.
Einnig er sagt frá því að fyrrum þjálfari hjá Liverpool, Kolo Toure sé að koma til félagsins en hann lék með City á sínum tíma.
Nú er sagt frá því að Guardiola sé að sækja James French sem hefur starfað hjá Liverpool í meira en tíu ár.
French hefur verið leikgreinandi hjá Liverpool og séð um að kortleggja andstæðinga liðsins.
