Launakröfur fyrrum franska landsliðsmannsins Paul Pogba eru enn of háar þó hann hafi ekki spilað fótbolta í marga mánuði.

Marseille í Frakklandi gerði sér vonir um að fá leikmanninn á frjálsri sölu en hann hefur nýlega tekið út 18 mánaða bann frá fótbolta eftir að hafa fallið á lyfjaprófi.

Footmercato segir þó að Marseille geti ekki borgað Pogba þau laun sem hann vill og er nú AS Monaco að skoða stöðu miðjumannsins.

Pogba vill enn fá gríðarlega há laun hjá því liði sem hann krotar undir við en hann er 32 ára gamall í dag.

Pogba var síðast á mála hjá Juventus á Ítalíu en lék fyrir það með Manchester United á Englandi.