Jack Wilshere fyrrum miðjumaður Arsenal er líklegastur til þess að taka við þjálfun Plymouth en liðið féll úr næst efstu deild Englands í vor.
Guðlaugur Victor Pálsson landsliðsmaður Íslands er leikmaður Plymouth.
Wilshere stýrði Norwich tímabundið undir lok tímabils en áður var hann aðstoðarþjálfari liðsins.
Wilshere fékk ekki starfið hjá Norwich til framtíðar og gæti nú tekið við Plymouth sem er án þjálfara.
Wayne Rooney tók við Plymouth fyrir ári síðan en var rekinn á miðju tímabili. Þá tók við Miron Muslic sem sagði svo upp störfum á dögunum til að taka við Schalke.
