Ísak Bergmann Jóhannesson er sagður vera að færa sig um set en þetta kemur fram í þýska blaðinu Bild.
Ísak er á mála hjá Fortuna Dusseldorf í næst efstu deild Þýskalands en liðinu mistókst að komast upp í efstu deild í vetur.
FC Köln er talið vera að tryggja sér þjónustu leikmannsins og borgar um 5,5 milljónir evra fyrir íslenska landsliðsmanninn sem gerir um 800 milljónir króna.
Ísak er aðeins 22 ára gamall og á nóg eftir en hann mun því líklega leika í efstu deild Þýskalands á næsta tímabili.
Köln tryggði sér sæti í efstu deild á nýliðnu tímabili en liðið vann deildina með 61 stig, tveimur stigum á undan næsta liði.
