Enzo Maresca, stjóri Chelsea, hefur staðfest það að félagið sé ekki búið að taka ákvörðun varðandi vængmanninn Jadon Sancho.

Chelsea getur keypt Sancho á 25 milljónir punda í sumar en hann er á lánssamningi frá Manchester United.

Chelsea samþykkti að kaupa leikmanninn eftir tímabilið en getur einnig borgað fimm milljónir punda til að rifta því ákvæði.

Sancho hefur átt góða og slæma daga hjá Chelsea eftir komu til félagsins en hann hefur ekki verið lykilmaður á tímabilinu.

Ljóst er að framtíð Sancho er ekki í Manchester borg og ef hann snýr aftur þangað verður hann að öllum líkindum seldur í sumar.

Maresca staðfesti að félagið væri að skoða stöðu allra leikmanna og þar á meðal Sancho og er alls ekki víst að hann verði keyptur fyrir næsta tímabil.