Þorkell Máni Pétursson, umboðsmaður og stjórnarmaður KSÍ, var gestur Helga Fannars Sigurðssonar í nýjasta þætti af Íþróttavikunni á 433.is.
Á dögunum var greint frá því að lögreglan ætlaði að hefja aukið eftirlit með áfengissölu á íþróttaviðburðum.
„Þú þarft ekkert að segja okkur í tónlistarbranasnum að lögreglan sé mætt hvar sem er að ota sínum tota,“ sagði Máni í þættinum.
Hann er þó fylgjandi því að félög fari eftir settum reglum í þessum efnum.
„Það á að fara eftir lögum og reglum. Ef það á að vera afgirt svæði fyrir áfengi þá er það svoleiðis.“
Máni segir að hann myndi almennt vilja sjá mætingu á knattspyrnuleiki hér heima meiri og að það megi bæta með umgjörð.
„Bjórinn er eitt en það eru alls konar aðrir hlutir sem geta verið skemmtilegir. Það er til dæmis hægt að bjóða upp á eitthvað annað en hamborgara og eyða peningum í upplifunina.“
