Alexander Isak framherji Newcastle hefur lengi verið á óskalista Arsenal en enskir miðlar segja að hann fari líklega ekki í sumar.

Arsenal hefur verið að skoða þetta en Isak er ekki til sölu í sumar samkvæmt fréttum.

Isak er metinn á 150 milljónir punda en Arsenal vill fá inn sóknarmann í sumar.

Sagt er að Arsenal sé farið að horfa til Igor Paixao framherja Feyenoord sem hefur verið öflugur í vetur.

Þessi 24 ára gamli framherji hefur komið að 27 mörkum á þessu tímabili. Liverpool er einnig sagt fylgjast með Paixao.

Arne Slot stjóri Liverpool þekkir vel til Paixao og það gæti vegið þungt.