Daníel Þór Michelsen (fæddur árið 2007) og fleiri ungir leikmenn hafa framlengt samninga sína við Fylki.
Daníel er örfættur miðjumaður með mjög góðan vinstri fót, hann hefur þó undanfarið einnig verið að leysa stöðu bakvarðar og getur því nýst bæði varnar og sóknarlega.
Hann hefur verið í æfingahópi meistaraflokks Fylkis í vetur og komið við sögu í nokkrum leikjum. Daníel hefur verið á úrtaksæfingum hjá yngri landsliðum Íslands í gegnum árin.
Aðrir sem framlengdu:
Nói Hrafn Ólafsson (fæddur 2007) er örfættur sóknarmaður. Nói er mjög leikinn með knöttinn og naskur fyrir framan mark andstæðinganna. Nói hefur komið við sögu í tveimur leikjum meistaraflokks í vetur.
Guðmundur Ernir Brynjarsson (fæddur árið 2008) er útsjónarsamur varnarmaður sem er lunkinn með knöttinn og fastur fyrir í návígum. Guðmundur hefur komið við sögu í einum leik meistaraflokks í vetur.
Ívar Hrafn Atlason (fæddur árið 2008) er sóknarmaður með mikla knatttækni og góðan leikskilning. Ívar er sonur Atla Sveins Þórarinssonar fyrrum þjálfara meistaraflokks og núverandi þjálfara 2. og 3.flokks karla. Ívar hefur komið við sögu í fjórum leikjum meistaraflokks í vetur.
Jóel Baldursson (fæddur 2007) er atorkusamur miðjumaðurmeð mikla hlaupagetu, markheppinn og með gott auga fyrir spili. Jóel hefur komið við sögu í fjórum leikjum meistaraflokks í vetur.
