Nasser Al-Khelaifi, eigandi Paris Saint-Germain, hefur boðið heimsfrægum mönnum á leik liðsins gegn Aston Villa í Meistaradeildinni.
Um er að ræða William prins og leikarann Tom Hanks en þeir eru báðir harðir stuðningsmenn enska félagsins.
PSG mun spila við Villa í 8-liða úrslitum Meistaradeildarinnar en spilað verður í næsta mánuði.
Al-Khelaifi hefur mikinn áhuga á að fá þessa tvo menn á völlinn í París og eru allar líkur á að þeir samþykki boðið.
Leikurinn verður spilaður þann 9. apríl í París en seinni leikurinn er svo á heimavelli Villa í Birmingham.
