Pep Guardiola, stjóri Manchester City, er til í að losa sig við átta reynslumikla leikmenn úr leikmannahópi sínum í sumar samkvæmt enska blaðinu Daily Star.

City er að eiga skelfilegt tímabil á sinn mælikvarða. Liðið er 17 stigum frá toppliði Liverpool í ensku úrvalsdeildinni og er dottið úr leik í Meistaradeild Evrópu nú þegar.

Guardiola vill stokka upp í leikmannahópnum og fékk hann til að mynda fjóra leikmenn til liðs við sig í janúar. Þá Omar Marmoush, Nico Gonzalez, Abdukodir Khusanov og Vitor Reis.

Munu þessir leikmenn fá aukið traust frá og með næsta tímabili og aðrir, sem hafa verið lengi hjá City og unnið fjölmarga titla, fá að flakka í staðinn.

Menn sem gætu farið eru Jack Grealish, Bernardo Silva, John Stone, Mateo Kovacic, Ilkay Gundogan og markvörðurinn Ederson. Þá er fastlega gert ráð fyrir að Kyle Walker verði endanlega seldur í sumar, en hann er í láni hjá AC Milan sem stendur.

Þá hafa nokkrir leikmenn verið orðaðir við City fyrir sumarið og má þar einna helst nefna Florian Wirtz, ungstirni Þýskalandsmeistara Bayer Leverkusen.