Búið er að draga í umspilið um sæti í 16-liða úrslitum Meistaradeildar Evrópu. Í pottinum voru liðin sem enduðu í 9.-24. sæti deildarkeppninnar. Fara sigurvegararnir svo til móts við efstu 8 liðin í deildarkeppninni í 16-liða úrslitum.
Það verður stórleikur í umspilinu því Manchester City og Real Madrid mætast. City gat einnig fengið Bayern, sem dróst gegn Celtic þess í stað.
Þá verður alfranskur slagur þegar Brest mætir Paris Saint-Germain, en dráttinn í heild má sjá hér að neðan.
Umspilið
Club Brugge – Atalanta
Manchester City – Real Madrid
Celtic – Bayern Munchen
Juventus – PSV
Feyenoord – AC Milan
Sporting – Dortmund
Brest – PSG
Monaco – Benfica
Fyrri leikirnir verða spilaðir 11. og 12. febrúar og seinni leikirnir 18. og 19. febrúar.
