KR vann Reykjavíkurmót karla í kvöld en úrslitaleikurinn var gegn Val og fór fram í Egilshöll.
KR vann sannfærandi sigur á grönnum sínum í Val sem tefldi fram ansi sterku liði í viðureigninni.
Óskar Hrafn Þorvaldsson var þarna að vinna sinn fyrsta titil með KR en hann tók við liðinu á síðasta ári.
KR hafði betur 3-0 þar sem Luke Rae, Jóhannes Kristinn Bjarnason og Matthias Præst komust allir á blað.
Þetta var í 41. sinn sem KR vinnur þessa ágætu keppni.
