Það er ljóst að miðjumaðurinn Renato Veiga er að yfirgefa Chelsea en hann er að skrifa undir samning við Juventus.
Blaðamaðurinn Fabrizio Romano birti myndband í gær þar sem má sjá Veiga á flugvellinum í Túrin.
Um er að ræða 21 árs gamlan leikmann sem getur spilað í vörn og á miðju en hann kom til Chelsea frá Basel í Sviss í fyrra.
Tækifærin voru af skornum skammti á Stamford Bridge og spilaði hann aðeins sjö deildarleiki.
Veiga verður lánaður til Juventus út tímabilið og mun líklega fá stærra hlutverk þar en í London.
