Alton Meiring knattspyrnumaður er látinn en kappinn frá Suður-Afríku var stunginn til bana í heimalandi sínu um helgina.
Meiring er 48 ára gamall en hann lagði skóna á hilluna árið 2012 og hefur síðan þá verið að þjálfa þar.
Meiring var þjálfari Luso Africa FC sem staðfestir andlát hans.
„Það er með sorg í hjarta sem við greinum frá andláti Meiring. Hann hefur stutt frábærlega við félagið og þjálfað unga leikmenn og meistaraflokk okkar,“ segir í yfirlýsinug félagsins.
Meiring lék tvo landsleiki fyrir Suður-Afríku á ferli sínum og einn af þeim var gegn Englandi á Wembley.
Hann lék á ferli sínum í heimalandinu og var leikmaður Cape Town Spurs, Mamelodi Sundowns, Manning Rangers og Golden Arrows.
