Zlatan Ibrahimovic hefur staðfest það að Divock Origi eigi enga framtíð fyrir sér hjá AC Milan á Ítalíu.
Origi er 29 ára gamall og hefur spilað með Milan frá 2022 en var lánaður til Nottingham Forest í fyrra.
Zlatan er sjálfur fyrrum leikmaður Milan og starfar nú á bakvið tjöldin en hann staðfestir að Origi þurfi að æfa með unglingaliðinu eða þá fara annað í sumar.
Origi er þekktastur fyrir tíma sinn hjá Liverpool þar sem hann lék frá 2014 til 2022.
,,Divock Origi og Fode Ballo-Toure eru ekki í okkar framtíðarplönum,“ sagði Zlatan við blaðamenn.
,,Þeir verða nú að æfa með unglingaliðinu því þeir eiga ekki stað í okkar verkefni.“