Albert Guðmundsson, landsliðsmaður í knattspyrnu, hefur verið ákærður fyrir nauðgun með því að hafa haft önnur kynferðismök en samræði við konu án hennar samþykkis. Þetta kemur fram í ákæru á hendur Alberti sem fjölmiðlar fengu afrit af í dag.
Segir ennfremur í ákærunni að Albert hafi beitt nauðung en með hvaða hætti er afmáð í ákærunni.
Ákæruvaldið krefst þess að Albert verði dæmdur til refsingar og greiðslu alls sakarkostnaðar. Þá kemur fram í ákærunni að konan, sem Albert er sagður hafa brotið gegn, fari fram á þrjár milljónir króna í miskabætur.
Albert neitar sök í málinu.