Chelsea er að skoða markvörð sem ber nafnið Filip Jörgensen en einhverjir ættu að kannast við það nafn.

Jörgensen er fæddur í Svþjóð og lék með U16 og U17 liðum þar í landi en skipti yfir í danska landsliðið árið 2021.

Jörgensen ákvað að velja danska U21 liðið frekar en það sænska en móðir hans er sænsk og faðirinn er danskur.

Jörgensen leikur með Villarreal á Spáni og spilaði 37 leiki fyrir liðið á síðustu leiktíð.

Chelsea hefur áhyggjur af markvarðarstöðunni fyrir komandi tímabil en Robert Sanchez hefur ekki heillað eftir komu frá Brighton.

Fabrizio Romano segir frá áhuga Chelsea en Daninn vill sjálfur reyna fyrir sér í efstu deild Englands.