Eddie Howe hefur útilokað það að hann verði næsti landsliðsþjálfari Englands sem leitar nú að stjóra.

Gareth Southgate lét af störfum eftir EM í sumar og er enska knattspyrnusambandið að skoða nokkra möguleika.

Howe er orðaður við starfið en hann hefur gert flotta hluti með Newcastle í efstu deild Englands.

Howe hefur engan áhuga á að taka við landsliðinu og undirbýr sína menn fyrir komandi tímabil í ensku úrvalsdeildinni.

,,England skiptir mig engu máli í dag, þetta snýst allt um knattspyrnufélagið Newcastle,“ sagði Howe.

,,Ég er svo stoltur að vera þjálfari liðsins og hef notið hverrar mínútu í þessu starfi. Ég vil ná langtíma árangri með þessu félagi.“